Bi de Plattdüütsch Klöönstuuv kannst mit den leiwen Gott Plattdüütsch snacken ein üm´t anner bi St. Nathanael, Einsteinstroat 45, un bi St. Nicolai in de Sutelstroat, - mehrst twei Moal in´n Moand Klock 6 nömdags, jümmers up ´n Dönnersdag. In´n Gemeinde Leben findst de Dag un wo wi tau finn´n sünd.
10 Joahr sünd nu al vergangen, dat wi dat eerste Moal tauhoop´n koom´n sünd. Doarmoals wäär´n wi 8 Lüüd ut 3 Gemein, nu sünd wi 18 ut 5 Gemein. Wi schnackt nu al mehr un mehr Platt, - ok de, de noch nich so richtig Plattdüütsch schnack´n köönt.
Wees doarüm nich bang, wenn Du noch nich Plattdüütsch schnacken kannst, bi us kannst dat lehr´n mit Texten ut de Bibel, bekannt un nich so bekannt Leider, Theaterstücken, Geschichten un ok mit ´n beet´n Grammatik, - or beseuk us man jüst taun Schnack´n.
Wat Besünners is de Plattdüütsch Kerk.
Man wi moakt noch mehr: Singen un Sketche bi Gemeindefeste, Foahrt´n in de Lüneborger Hei, "Stratenmusik" un "Allens op Krankenschien" in Ohnsorg-Theater or ´n Beseuk bi´t Oll´n-tau-Huus "Waldeseck", wo mannig ein wohn´n deit, de geern Plattdüütsch höört un bobentau noch wat tau vertell´n hat.
Wutt du mehr öber us weet´n, denn froag noah bi dat Gemeindebüro vun de St. Nathanael Kerk or roop man glieks an bi Peyckes: 05 11 - 65 27 89, or schriev ´n e-Breif an werner@peycke.de. Wi höögt us öber jeedein Nafroag.
Die Termine finden Sie im GemeindeLeben.
